الاسئله الوزاريه ..... تحشيشه خنفشاريه ...هههه

جمهورية العراقوزارة التربيه

الاسئله الوزاريه للعام الدراسي الحالي

الفيزياء الوقت :3 ايام

ملاحظه: الاجابه على ستة اسئله على ان يكون الاول والثاني والثالث والرابع والخامس والسادس من ضمنها..

السؤال الاول: رواد فضاء صعدوا الى الفضاء واخذو معم ثلاجه بيهه اكل وعلى مسافة كيلو ونص من القمر خلص الاكل وشمروا الثلاجه مناك ..احسب سرعة سقوط الثلاجه علما ان الماطور دنفص ..

السؤال الثاني: واحد ديمشي هوه وصديقه ..(يعني هوه ديمشي ووراه صديقه) والمسافه بينه وبين صديقه متران فقط ..التفت الى الوراء بعد مرور 10 ثوان ولم يجد صديقه ..اين ذهب صديقه؟

السؤال الثالث: سياره تمشي عالقناه نوع اوبل اوميكا بسرعة 120 كم / سا صادف مرور كلب سائب امامها على مسافة 20 مترا من السياره ..داس السايق بريك فوقفت السياره على مسافة 2 متر من الكلب (لتخافون ما راح اسألكم شنو نوع الدهن بريك)....اجتي سياره همر مال امريكان ضربت الاوبل من وره ..شكد جان يمشي ابو الهمر؟ علما ان الجندي السايق من ولاية اريزونا الامريكيه..

السؤال الرابع: ولد يمشي في شارع الربيعي على الجهه اليمنه وبنيه عله الجهه اليسره من الشارع انتبه الولد عالبنيه واندعم بتيل .. البنيه ضحكت ..كم عدد البنات صديقات هاي البنيه اللي راح هاي البنيه اتسولفلهن الصار بالولد من وراهه؟ علما ان الولد مضروب بوري قبل 20 دقيقه في نفس الشارع؟

السؤال الخامس :ارسم مؤشرا على الاجزاء طريقة عمل الدولمه..

السؤال الاسادس والاخير:
علل ما ياتي:
1:السوني اركسون يخلص شحن بسرعه ..
2:المولده التايكر تطلع دخان..
3:لايوضع الصاص والعمبه معا في لفة الفلافل..
4:الفقير ما يعيش بهالدنيه..
************ *******

مع تمنياتنا لكم بالموغفية والرسوب الباهر تقبلو تحياتي عاشق الاهات

هاي احلى اسئلة سمعتها واصعب اسئلة

كلش حلو خاصتنا سؤال اول اصعب شي

شكرا حبي على هاي الاسئلة ...تقبل مروري

حلوة الاسئلة مالتك عاشت ايديك
تقبل مروري

صدك ادمون دتبدع
عاشت ايدك

خوش اسئله
بس على الله منو نجح بيها؟؟
سلامي

[size=29]هاي انت شدتسوي تعبتنا من الردود وين تلكه هالسوالف التعبانة عاشت ايدك[/size]

تعرف اني هالسنة سادس وزاري واذا اجتي هيج اسئلة راح انتحر صدك الاسئلة الوزارية اسهل وادعيلي حتى اطلع معدل بيه خير اوكي يلا بااااي وتسلم لاهلك باااااي

شكرااااااااااااااااااااا على الردود الحلو ة مثلكم

يابة انشالة انشالة انشالة طلعين معدل مليون من مليون ومية بل مية تحياتي

تسلم يوم الي يصير الي باللك اي شي بالك ان شاء لله يتحقق يلا بااااي

شكرااااااا وردة

kolsh 7loa hl 2s2la
t8bl mrore
fofo

ههههههههههههه احلى اسئلة