باطنــــــــــــــــــــــــايا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

باطنــــــــــــــــــــــــايا


 
الرئيسيةالرئيسيهأحدث الصورالتسجيلدخول

 

 مثل العراق

اذهب الى الأسفل 
3 مشترك
كاتب الموضوعرسالة
baan_luca
مشترك(ه) متميز(ه)
مشترك(ه) متميز(ه)
baan_luca


انثى
عدد الرسائل : 327
العمر : 38
تاريخ التسجيل : 10/10/2007

مثل العراق Empty
مُساهمةموضوع: مثل العراق   مثل العراق Icon_minitimeالأحد نوفمبر 18, 2007 1:37 pm

مثل العراق..

مثل العراق مصوفرة ونزفي مطر
وكل زخة اشوفك جاي ..
بضحكة امل مزفوفة لأيامي

مثل العراق مذوبلة..متكحلة بصوبين
وكل صوب خنة بناي..
بعلم وفهم وايمان،ومكسورة اقلامي

مشتاگة اخيم بيك وبخيمة ظفر
والشوگ نهر وجفاه الماي..
وحصوات الجرف مبلولة بجرح دامي

مشتاگة لعيون الصگر، ناطر على نهرين
لهيبة اسد مسعاي..
واشواگي لحضن.. ما ينهش احلامي

مثل العراق مرضرضة ..مسكونة بعمر
وسنين تتكدر بملگاي..
وحادي الجهل حارس على اعدامي

گلبي اللي انچوى يخفگ بنارين
وروحي مسافرة بشكواي..
صاد وضاد شط العرب.. ظنيته بحزامي

ياروح الروح يا كسوة دهر
مذبوح البخت ومعلگ بنجواي..
مثل العراق.. هوسة زلم،ولا زلمة گدامي

ومثل العراق.. غرگانة بلطم خدين
واطرافي مو اطراف هاي..
لا بعثي دمي.. ولا هو علف اسلامي

لا شيعي مني يستقوي بغجر
ولا سني برفسته مولاي..
ولا كردي مشيته لشمال،وتفريس بجنوبه الزامي

ياعشگ ريان بحلم.. يازين
مو مثل العراق ابغيك ويّاي..
منفوش بصدر وبآل.. مالملم عظامي

يابعد الروح ياشمس وفجر
ضمني صدگ وبضمتك ممشاي..
لا سهلي ارتوى ولا درت اغنامي

ضمني حيل..حيـــــــــــــــــــــل.. وأبنيلي بذراعين
صريفة بوطن مبغاي..
وسعفة نخل وأهوار.. تتفگد آلامي

ومثل العراق ..مخنوگة بحبال الصبر
وبسحل الصنم، نذرولي بلواي..
رعيان،عِريان بكل حزب ..ويابختي باصنامي!

ياحبيّب اتمناك نشوة قدر
مو مثل العراق.. حافي ومحتفي بحفاي
عشگي هرم مسحور ..وياسحر العشگ من يفتن اهرامي

الرجوع الى أعلى الصفحة اذهب الى الأسفل
ramia
المشرفين
ramia


انثى
عدد الرسائل : 628
العمر : 44
تاريخ التسجيل : 18/10/2007

مثل العراق Empty
مُساهمةموضوع: رد: مثل العراق   مثل العراق Icon_minitimeالأحد نوفمبر 18, 2007 9:24 pm

كلش حلوة
الرجوع الى أعلى الصفحة اذهب الى الأسفل
غزوان جعو
مشترك(ه) متميز(ه)
مشترك(ه) متميز(ه)
غزوان جعو


ذكر
عدد الرسائل : 1494
العمر : 39
تاريخ التسجيل : 20/12/2007

مثل العراق Empty
مُساهمةموضوع: رد: مثل العراق   مثل العراق Icon_minitimeالثلاثاء أبريل 08, 2008 3:13 pm

عاشت ايدك
الرجوع الى أعلى الصفحة اذهب الى الأسفل
 
مثل العراق
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
باطنــــــــــــــــــــــــايا :: المنتدى الترفيهي :: القسم الثقافي-
انتقل الى: