موضوع خطير اكثر من سبع اخطاء يسويها الولد وي البنيه ويجي ورا

يعني يكلك انت ليش حديقة)
أول خطأ ( انك تكون كاش لطيف ويه البنيه يعني لوووووكي )
-------------------------------------------------
اكيد انت ملاحظ انه البنات مينجذبون للولد الي كلش لطييفين وياهم,ويجوز عندك تجارب وملاحظ هذا الشي,وراح تسال وتكول لعد شلون تنعجب بيه البنيه...
راح اكولك انه البنيه متختار الولد على اساس شكد هو لطيف لان البنيه تشعر بشعور قوي تجاه الولد وهذا ناتج من تاثير الولد عليها وكونك كلش لطيف ميؤثر بيها ويخليها تنجذب الك,
والي كلته صعب فهمه منطقيا .. بس انت ابقى على طبيعتك وشوف النتيجة.



ثاني خطأ ( انه الولد يحاول يقنع البنيه حتى تعجبه )
-----------------------------------------------
معظم الولد من يلتقون او يحجون ويه البنيه يحاولون ان يقنعونها بان تعجبهم او تنجذب لهم,
او يحاول الولد ان يغير شعور البنيه تجاهه,
هاي كطنه وشيلها من اذنك البنات ابدا ميغيرون فكرتهم او شعورهم تجاه الولد سواء ان انعجبت بالولد او لا ,واني راح اسالك انت شلون تريد تغير شعور البنيه تجاهك اذا هي اصلا ممهتمة بيك منطقيا متصير مو صح اذا لاتحاول حبيبي تره يجيك البوري بالكصة عدل واني ممسؤول!!!


ثالث خطأ ( تحاول ان تجذب البنيه بغير اشياء مثل الهدايا وهاي السوالف التعبانه )
------------------------------------------------
اكيد انت مشتري هدايا للبنيه الي انت معجب بيها وتلبيلها كل شي وبعدين تنضرب بوري وتعوفك وتروح على واحد ميعاملها بكد نصف ما انت تعاملها ,
اكلك شي واحد لا تسوي كلشي ما تطلبه البنيه منك ,وانت من بس اجيب وتنطي بالهدايا هذا الشي الي دا تسويه راح يدز رساله واضحة للبنيه انه انت دتفكر ويه نفسك وتكول اعتقد هي مدا تنعجب بيه لشخصيتي لذلك راح اهديلها هدايا حتى تنعجب بيه هسه افتهمت البنيه شلون تفكر لو لا !!!


خامس خطأ ( تكول للبنيه شنو شعورك اتجاهها من وكت )
----------------------------------
لابد وانك ملاحظ انه البنيه قد يحاول بقية الولد ان يتقربولها وخصوصا الحلوة وهذا يصير اكثر من مرة ويه البنيه باليوم الواحد فلذلك تكون عدها خبرة وذكاء ,
فاذا انت تكولها اني معجب بيج و احبج بسرعة وبعد مرور وقت قصير من تعارفكم ....
راح تشوف تصرف البنيه وياك مو مثل ما انت جنت تتوقع بعد ان صارحتها بشعورك من وكت وراح تفكر وتكول ويه نفسها هذا مثل كل الولد الي جانوا بس يحاولون يحجون ويه اي بنيه ويريدون يتقربولها وبذالك رد فعلها راح يكون بارد ويمكن تنضرب جينكو يعني تنلبس وتكولك هاي السوالف مال خلي افكر وغيرها من دروب البنات , فنصيحتي الك انه تصير هادي وتكون على طبيعتك واذا متحملت وصعدت عندك الحماوة اطبك على صفحة وافتح البنيد وبرد الراديتر زين وبعدين شغل واتوكل.

سادس خطأ ( انك تفكر انه البنات ينجذبون اكثر للولد الطاكين يعني هم فلوس وهم وسيم )
----------------------------------------------
هذا الشي موجود بس مو عد كل البنات .... البنيه تحب اكثر شي بالولد شخصيته وتحب ايضا شلون الولد يخليها تشعر مثل ما هي تريد لذلك انت لتئيس لانه انت مو طاك او مو كلش وسيم .

سابع خطأ ( انك متعرف شتسوي بكل حالة ويه البنيه )
----------------------------------------------------
هسه راح اخبلك تدري انه البنيه اكثر دهاء من الولد بعشر مرات فيما يتعلق بقراءة افكار الولد يعني اذا انت كاعد ويه بنيه ودتحجي هي من طريقة كلامك وتفكيرك تعرف انت شنو على العكس من الولد الي اول ميشوف البنيه ينعجب بيها من حيث الشكل وميركز على شخصيتها كلش هوايه مثل ما هي تسوي لذلك انت لازم تتستعمل لغتك الجسدية والعقلية للتاثير بالبنيه الي انت مهتم بيها وتخطط لكلشي ولكل تصرف قبل ان تسوي من بداية تعارفكم
وهذا الشي صعب ومو كل واحد يتقنه بس الولد الي مأكل كل انواع البواري من ابو السته انج لحد ابو العكس يعني اقصد الي عدهم خبرة
.........................
انتظر ردودكم بس مو حسبالكم اني مضروب بوري لاوالله بس احس بروحي راح انضرب بوري!!!! لا يمعودين لاتصدكون..... والله لا يشوفني البوري لان شايف اصدقائي من انضربوا بواري خطية شصار بيهم صارت الدنيا سودة بوجوهم..!!!


واللة تعبتوني بس تدللوان اخوكم عاشق الاهات

يابه ادمون صاير خبير

شكرا على موضوعك الحلوة شكرا تحياتي

هواية حلوة

علمود تعرف البنات شكد قواية
مو هيجي بنات؟

صدك البنات قويات ههههههههههههههه

مشكورين شباب على ردودكم

ههههههههههههههههههههههههههههههههههه
عاشق انته طلعت مصييييييبه صدك جذب ؟
يمعوووود ماعندك صووووووووور هم للتوضيح


مشكوووووووووووووور وردة
بس الضااهر انته منجووووووووي

هههههههههههههههه
شكرا على مرورج الحلو

هاي شنو وردة ادمون صاير خبرة مشكور على هي المعلومات ودير بالك على روحك لتروح تجويك وحدة تقبل مروري

ههههههههههههههههههه اشكرك حبي سرمد لااتخاف علية

عمي شنو هاي والله هم الشاعر ميلحكك
مشكورين اخوية

مشكور روبرت على ردك الحلو

وانكم