تعال اسمع هاي المحاورة بين بغداد ام الدنيا ودبي ام التطور@

دبي : بغداد شلونج افتحي الويب كام الكامره اشوفج

بغداد : شوف هاي البطرانه دبي ولج انتي فتحي اني شعندي تشوفيه

دبي : زين صوت خلي اسمع بغداد ياقلعة الاسود ذهب الزمان وعطره

بغداد : هههههههه صدك بطرانه يا اسود صارت بزازين

دبي : اوف شلونج بغداد وشلونها عيون المها بين الرصافه والجسر

بغداد : شلوني قبل شويه صار انفجار وكع جسر على راسي انتي شلونج

دبي : تعبانه كلش تعبانه البنايات العاليه والعمارات صارن هواي بالكاع مالتي

بغداد : لا اني الحمد لله شكو بنايه دتتفلش الحمد لله والجثث مو ثكيله

دبي : اوف لعد اني النوبه شكد سياح يجون واجانب هسه اني ناقصه حمل

بغداد : هسه عفيه لا تحسديني اني يوميه تطلع الف لسوريا وعمان خلي اطكطك
حرمل اخاف من الحسد ولو صرت اخاف من الطكه يوميه طاكه سياره

دبي : انتي بغداد الحمد لله عندج نهرين دجله والفرات وترابك كاعك مالكينه كاع ترهم للصلاه تربته

بغداد : اي وعندي نهر ثالث اسمه نهر المجاري الطافحه وغير الناس بالمنطقه الخضراء

دبي : بغداد ابو نؤاس شنو صارت سالفته وين السياب بس لا سافر من طيحو حظه وبخته

بغداد : لو مكتول لو معتقل لو تلكيه بالسويد طالب لجوء خليها ولج سكته حتى الصبر دفرته

دبي : والعباس والحسين وعلى الكرار وباب الكاظم وين حوبتهم هسه

بغداد : وشيسون وي الي على الفلس يبيع امه واخته وعلى الذبح صار كتابه وملته

دبي : اكولج بغداد دزيلي فايل بالسيند فايل صوره اغنيه

بغداد : شبقه حتى ادزلج فرهود صار وكل الحراميه اهل وجيران حتى النوى من التمر باكوه شايفه هيج بخت صار وياي واني التاريخ كله

دبي : بغداد اني اروح عندي افتتاح مشروع سياحي فخم من ساسه لرجله

بغداد : اني هم اروح اشوف شكد بقه من اهل بغداد بلكت اشوف ضحكه حتى لو جذب هم نعمه اخوكم عاشق الاهات بس ردودكم طرة تعبتوني اوكي ورود با طنايا

هواية حلوة عاشت ايديك ياوردة

كلش حلوه اخويه عاشت ايدك